Khud se baat

 socha aaj khud se hi baat kar lo

dusre se to roz hi karta hu

dusro ka to roz hi khayal leta hu

aaj khud se khud ka haal puch lu

bahut samay ho gya 

khud ko pucha hi nhi 

ki khush hu ya dukhi hu

ya phir thak gaya hu 

chalte chalte ya phir sambhalte sambhalte

jawab mila ki yaad aa gyi meri

mai hi to tera humsafar hu

par shayad bhul gye the tum

koi na der aaye durust aaye 

ab thoda apne ko pehchan to lu

do pal sukoon ki saans to lu

ab bas thoda aaram chahiye

bhagti hui zindagi ko viram chahiye

khud ko khud se milwa lu

kai arse hue mile hue

                           ----Aàkash Jain

Random

Itna bhi dard mat do Kisi ko

Ki jab waqt aur karma inteqam Lene Aaye

To tumhari cheenkhen koi shor mei sun bhi na paaye 

Khush raho or rehne do 

Zindagi chhoti hai haske do pal bitane do

                             Aakash Jain

Zindagi

zindagi bhi kya cheez hai

har roz naye rang dikhati hai

par ek baat to hai

roz kuch naya sikha jati hai

                         ----Aakash Jain

Patjhad

ped se jab patte jhadte hai na

to humei to wo bas ek mausam lagta hai

par us ped ka dard puchho 

jisne un patto ko seencha hai

aur ab wo usse alag ho rhe hai

jiske sath hota hai 

wo hi mehsus karta hai

baakiyo k liye to wo bas mausam hai

                     ---Aakash Jain

Dard

 ae zindagi dard itna bhi mat de

warna ek waqt aisa aayega 

ki tu dard dete dete thak jaayegi

aur hum par koi asar bhi nhi hoga

tab tujhe kuch naya dhundhna padega

aur phir tera kaam badh jayega

                        ----Aakash Jain

Sachhai

 hum poori zindagi rishte batorte rehte hai

ye mera bhai hai behan hai bua hai chacha aur biwi hai bachha hai etc. etc.

bas inhi ko manate inse ruthte rehte hai

par asliyat to ye hai ki hum sab yaha bas kirdar nibhane aate hai

akele aaye hai yaha aur bas akele hi jaate hai...

                                   ---Aakash Jain

Bura waqt

 bura waqt na bahut kuch sikhata hai

apne or parayo mei farak dikhata hai

jinhe hum apna samajhte hai wo muh mod lete hai

or jo paraye hote hai wo hath thaam lete hai

har roz tut te hai bikharte hai

apne ko samet te hai himmat karte hai 

aur ye hi sochte hi ki guzar jayega

Kabhi to achha waqt aayega

Zindagi

Bikharna sawrna aur phir sanwar kar bikharna 

yahi zindagi hai, hai na!!

kuch bhi hamesha nahi rehta,

waqt k sath sab badal hi jata hai